Kafli 3 Niðurstöður

3.1 Umfang svæða með þaraskógum

Umfang svæða sem innihalda þarabreiður er ekki gott að meta með mikilli nákvæmni. Svæðið frá strandlínu að 10 m dýpi (sýnt á kortinu hér að neðan) er 189 Km² meðfram Vatnsnesi (frá Vallaá að Hvítserki) og 122 Km² meðfram Skagaströnd. Botngerðir svæðanna eru misjafnar og ólíkar innbyrðis eins og búast má við á svo stóru svæði og því er þaragróður misþéttur. Sumstaðar eru sker eða björg og annarstaðar er botninn sendinn svo þarinn hefur ekki festu.

Svæðin þar sem þéttar þarabreiður voru á (sem kannaðar voru með myndatöku eða komið auga á úr bát) eru sýndar á kortinu hér að neðan. Flatarmál svæðanna er sýnt í töflu 3.1 en einnig má smella á flákana og punktana á kortinu til að sjá upplýsingar og myndir.

Tafla 3.1: Stærð þaraskóga á Skagaströnd og Vatnsnesi

Stadur	km²
Bjargarbjörg	4
Eyrin	7
Finnsstaðanes	4
Hamarsbúð	12
Hindisvík	13
Hofsgrunn	5
Kálfshamarsvík	10
Landsendi	3
Sölvabakki	9

3.2 Mat á hugsanlegri uppskeru

Könnun á uppskeru og framleiðni þara hefur ekki verið framkvæmd í Húnaflóa en borið saman við rannsóknir sem gerðar voru í Breiðafirði má áætla að vöxtur þara sé á mjög breiðu bili þar sem dýpi og staðsetning í firðinum eru stærstu áhrifaþættirnir. Möguleg heildarframleiðni þaraskóganna áðurnefndu er tekin saman í töflu 3.2 hér að neðan. Athuga skal að hér eru mjög breið vikmörk.

Tafla 3.2: Framleiðni valdra þarabreiða í Húnaflóa miðað við mismunandi vaxtarhraða kg/m²/ári

	0.8	1.8	2.8	3.8	4.8
Hamarsbúð	5	11	17	23	29
Hindisvík	5	11	18	24	30
Hofsgrunn	2	4	6	8	11
Hofsgrunn	0	1	2	2	3
Finnsstaðanes	2	4	6	8	10
Landsendi	1	3	5	6	8
Bjargarbjörg	1	3	5	7	9
Kálfshamarsvík	4	9	13	18	23
Sölvabakki	4	8	12	17	21
Eyrin	3	6	10	13	17
Samtals (þús. t)	27	60	94	126	161